Брюсселда Ўзбекистон, Қозоғистон ва Қирғизистон энергетика вазирлари Камбаратин ГЭС-1 қурилишига бағишланган учинчи «давра суҳбати»да иштирок этди. Йиғилишда Жаҳон банки, донорлар кенгаши ва қатор халқаро молия институтлари вакиллари ҳам қатнашди. Бу ҳақда Қозоғистон Энергетика вазирлиги матбуот хизмати маълум қилди.
Музокараларда энергетика вазирлари Ерлан Аккенженов (Қозоғистон), Таалайбек Ибраев (Қирғизистон) ва Жўрабек Мирзамаҳмудов (Ўзбекистон) иштирок этди. Улар эришилган натижаларни муҳокама қилишди, жумладан:
Эслатиб ўтамиз, 2024 йил 6 июнда Жаҳон банки раҳбарлигида донорлар Координация кенгаши ташкил этилган эди. Унга ЕТТБ, Осиё тараққиёт банки, Осиё инфратузилмавий инвестициялар банки, Ислом тараққиёт банки, Европанинг турли институтлари ва OPEC халқаро тараққиёт фонди киради.
Учрашувда лойиҳанинг техник-иқтисодий асослари, атроф-муҳитга таъсирини баҳолаш, амалга ошириш механизмлари ва халқаро молия ташкилотлари билан ҳамкорлик масалалари кўриб чиқилди. Шунингдек, 2025 йил октябр–ноябрда бўлиб ўтадиган навбатдаги йиғилишга тайёргарлик муҳокама қилинди.
Лойиҳа доирасида ҳажми 5,4 млрд куб метр бўлган сув омбори ва қуввати 1860 MW бўлган гидроэлектростанция қурилиши режалаштирилган. Бу йилига ўртача 5,6 млрд kWh электр энергияси ишлаб чиқариш имконини беради.
Ўзбекистон делегацияси ЕИ, Жаҳон банки, ЕТТБ, ОТБ, OPEC фонди ва бошқа ташкилотлар билан икки томонлама музокаралар ўтказиб, молиялаштириш имкониятларини муҳокама қилди.