Жаҳон чемпионати чипталари 2025 йил сентябрдан босқичма-босқич сотувга чиқарилмоқда. Дастлабки «Visa Presale Draw» жараёнида мухлислар махсус ФИФА ID орқали рўйхатдан ўтиши шарт бўлди. Танланганларга электрон почта орқали маълумот юборилди ва уларга чипта сотиб олиш учун махсус вақт ажратилди. Бироқ вақт ажратилгани чипта олиш кафолати эмаслиги қайд этилди.
Гуруҳ босқичи ўйинлари — 60 доллардан 620 долларгача (стадион ва тоифадаги жойга қараб). Энг арзон чипталар фақат юқори бурчак секторларда мавжуд бўлади.
Мехико шаҳридаги очилиш ўйини: 370 доллардан – 1,825 долларгача;
Торонто очилиш ўйини: 355 доллардан – 1,745 долларгача;
АҚШ (Лос-Анжелес) очилиш ўйини: 560 доллардан–2,735 долларгача.
1/16 финал (Роунд оф 32): 125 доллардан – 665 долларгача;
1/8 финал (Роунд оф 16): 170 доллардан – 890 долларгача;
Чорак финал: 275 доллардан –1,690 долларгача;
Ярим финал: 420 доллардан – 2,780 долларгача;
3-ўрин учун баҳс: 165 доллардан – 1,000 долларгача;
Финал (Ню-Жерси, МетЛифе Стадиум): 2,030 доллардан – 6,370 долларгача.
Нархлар мамлакатга қараб фарқ қилади: АҚШдаги ўйинлар Мексикадаги ўйинларга қараганда қимматроқ.
Чипталар тури:
Битта ўйин учун чипта (ким ўйнаши ҳали номаълум);
Стадион бўйича пакет (ўша аренадаги барча гуруҳ ўйинлари + битта плей-офф учрашуви);
Жамоага оид пакет (бир жамоанинг барча 3 та гуруҳ ўйини).
ФИФА «ўзгарувчан нархлаш» (вариабле приcинг) стратегиясини қўллайди. Машҳур жамоалар (масалан, Аргентина, Англия) ўйинлари учун нархлар ошиши, кам талаб бўлган учрашувлар учун эса пасайиши мумкин.
Умумий чипталар сони: тахминан 6,5–7 миллион, шундан биринчи босқичда 1 миллиони сотувга чиқарилмоқда. Ҳар бир харидор максимал 40 та чипта, ҳар бир ўйин учун эса 4 тадан кўп эмас сотиб олиши мумкин.