CBS News хабар беришича, маҳаллий вақт билан тахминан 22:00 да 5155-рейснинг қаноти 5047-рейснинг фюзеляж қисмига тегиб кетган. Тўқнашув оқибатида бир нафар борт кузатувчи енгил тан жароҳати олган ва тиббиёт ходимлари томонидан кўрикдан ўтказилгандан сўнг шифохонага олиб кетилган.
Маълум қилинишича, 5155-рейс бортида 32 киши — 28 нафар йўловчи ва 4 нафар экипаж аъзоси бўлган. 5047-рейсда эса 61 киши — 57 йўловчи ва 4 экипаж аъзоси сафар қилган. Ҳодиса ортидан йўловчилар самолётдан туширилиб, автобусларда терминалга олиб келинган ва улар учун меҳмонхоналардан жой ажратилган.
CBS News мухбири 5047-рейс бортида бўлиб, тўқнашувда иккинчи самолёт қанотининг шикастланганини мобил телефон камерасида тасвирга олган. Видеода учувчилардан бири йўловчиларга мурожаат қилиб: «Ўйлашимча, бошқа самолёт бизга уриб юборди», — дея изоҳ берган.
Ҳозирча тўқнашув сабаблари очиқланмаган. Авиакомпания йўловчиларнинг манзилларига янги рейслар орқали етиб бориши учун зарур чораларни кўраётганини маълум қилди.
24 сентябр куни Шереметево аэропортида «Россия» авиакомпаниясининг FV 6097 Москва – Санкт-Петербург рейси учишга тайёргарлик жараёнида йўлакда Хитойнинг «Hainan Airlines» авиакомпаниясига қарашли Airbus A330 самолёти билан тўқнашиб кетган эди.