Россия Федерацияси президенти Владимир Путиндан «Валдай» халқаро мунозара клуби йиғилишида «янги дунё тузилиши бўйича музокараларни шахсан олиб борган» Вена конгрессида ўзини император Александр I каби ҳис қилмаяптими, деб сўрашди.
Президент ўзини бундай сезмаётганини айтди. Путин ўзининг президент эканини ва «халқ томонидан маълум муддатга сайланганини» айтди. «Бунинг фарқи катта», — дея қўшимча қилди Владимир Путин.
2020 йилда Владимир Путин ТАССга берган интервюсида уни қирол деб аташ мумкинлигига рози бўлмаганди. Президентнинг ишонтиришича, «подшоҳ фақат буйруқ беради», ўзи эса ҳар куни ишлайди. Ўшанда суҳбатдошнинг президент «бир умр биз билан қоладими», деган саволига Путин «Агар хоҳласангиз», деб жавоб берганди.