Мянмада ноодатий ва кинокомедияга ўхшаш ўғирлик ҳолати аниқланди — эркак ер ости туннели орқали заргарлик дўконга кириб, бир неча миллион долларлик тилла тақинчоқларни ўғирлаб кетган. Бу ҳақда Shin Chew Daily хабар берди.
Маълумотларга кўра, ўғри тўққиз кун давомида яширинча туннел қазиб, унинг заргарлик дўконининг савдо залидан тешиб чиққан. Шу йўл билан у 4 килограмм атрофида тилла тақинчоқларни ўғирлаган.
Полиция маълум қилишича, у кундузи автоювиш масканида ишлаган, кечаси эса туннел қазиш билан машғул бўлган — бу ишни фақат ёмғир йўқ кунларда шуғулланган. Эркакнинг сўзларига кўра, у дўкон ёнидаги ер ости коммуникация тизимини кўриб, бундай усулни «ақлли ва ижодий йўл» деб ҳисоблаган.
Текширувда маълум бўлишича, у ўғирланган тилла тақинчоқларнинг 551 граммини 50 долларга сотган ва бу маблағга янги мобил телефон сотиб олган. Бироқ шундан уч кун ўтиб, полиция уни аниқлаб, қўлга олган.
Ҳозир тергов ишлари давом этмоқда. Ҳуқуқ-тартибот идоралари эркакнинг олтинни кимларга сотгани ва қолган қисми қаерда эканини аниқламоқда.