Fox News хабар беришича, фалокат 12 октябр куни Хикс аэродроми яқинида рўй берган. Самолёт енгил ва юк автомобиллари тўхтаб турган майдонга қулаган. Воқеа жойидан икки нафар шахснинг жасади топилган, жабрланганлар сони ҳозирча аниқланмаган. Терговчилар воқеа жойига етиб келган ва атрофдаги йўл вақтинча ёпилган.
Самолёт бортида нечта киши бўлгани ҳозирча маълум эмас. Ҳозирда АҚШ Фуқаролик авиацияси федерал бошқармаси ҳамда Транспорт хавфсизлиги миллий кенгаши фалокат сабабларини ўрганмоқда.
Бундан аввал, 11 октябр куни Калифорниядаги шунга ўхшаш ҳолатда вертолёт парвоз вақтида бошқарувни йўқотиб қулаган ва 5 киши жароҳатланган эди. Гувоҳлар маълумотига кўра, вертолёт бир неча дақиқа осмонда айланиб юриб, сўнг ерга тушиб урилган.
Сентябр ойида Миннесота штатидаги Airlake аэропорти яқинида Robinson R66 вертолёти қулаган ва ёнув натижасида бортидаги барча ҳалок бўлган. Шунингдек, апрел ойида Ню-Йорк яқинидаги Жерси-Сити шаҳридаги вертолёт фалокатида олти киши, жумладан Испаниялик бизнесмен ҳалок бўлгани маълум қилинган эди.