Туркия президенти Ражаб Тойиб Эрдўған Ғазо саммитида иштирок этиш учун Мисрга учиб кетаётган самолётда Нетаняҳу инқирози юзага келди. Маълум бўлишича, Эрдўғаннинг самолёти Нетаняҳу саммитда иштирок этиши ҳақидаги хабардан сўнг учиш-қўниш йўлагини четлаб ўтиб, Қизил денгиз устида айланиб юрган. Самолёт Нетаняҳу саммитда иштирок этмаслигини эълон қилганидан сўнг аэропортга қўнгани маълум қилинди.
Самолётдаги журналистларнинг хабар беришича, Эрдўған Нетаняҳу ҳам саммитда иштирок этишини эшитгач, аэропортга қўнишдан воз кечган ва бу ҳақда Мисрга маълум қилган. Исроил Нетаняҳунинг саммитда иштирок этмаслигини эълон қилганидан сўнг, унинг самолёти Мисрга қўнган.
Ülke TV Бош муҳаррири Ҳасан Ўзтурк мавзу бўйича жонли эфирда тушунтириш бериб, шундай деди:
«Биз самолётда бўлганимизда, Трамп Исроилда Нетаняҳу билан учрашди ва Нетаняҳу билан суҳбатлашаётиб Миср президенти Абдулфаттоҳ ас-Сисийга қўнғироқ қилди. АҚШ етакчиси Сисийга «Нетаняҳуни таклиф қил» деди. Шундай қилиб, бир зумда «Нетаняҳу Шарм аш-Шайхга кетяпти» деган хабарлар тарқалди.
Очиғини айтсам, ўша пайтда самолётда бу хабарни эшитиб совуқ душ қабул қилгандек бўлдик. Ўзаро гаплашиб ўтирганимизда ҳам «Энди нима бўлади?» деган саволни муҳокама қилдик. «Шунча воқеадан кейин геноцид жиноятчиси бундай тинчлик саммитида иштирок этса, бунга Туркия ва бошқа ислом давлатларининг муносабати қандай бўлади?» деб муҳокама қилаётганимизда Ироқнинг муносабати келди.
Биз бу ҳақда гаплашиб турганимизда, самолёт қўниш мосламаларини очиб, учиш-қўниш йўлагига яқинлашди. Самолёт учиш-қўниш йўлагига қўниш арафасида Президент самолёти яна ҳавога кўтарилди. Шарм аш-Шайх аэропортига қўниш арафасида биз яна юқорига кўтарилиб, Туркия йўналишига қараб бурилди. Кейин тўсатдан яна бир сўнгги дақиқа хабари келди ва бизнинг самолётимиз орқага қайтди. Бунга расмий изоҳи йўқ, маълумотга асосланиб гапираётганим йўқ, ҳиссиётларимни айтаяпман, буни ҳам айтишим керак.
Нетаняҳунинг келиши эҳтимоли туфайли самолётдаги ўша совуқ муҳит ўзини мўътадил иқлимга ўрнини бўшатди ва бизнинг самолётимиз яна ғилдиракларини тушириб, Шарм аш-Шайх аэропортига қўнди. Президент Эрдўған тўғридан-тўғри аэропортдаги кўргазма майдонига ўтди… Нетаняҳунинг келишига қарши Туркия кўрсатган позицияни ҳам, менинг нуқтаи назаримдан, ҳисобга олиш мумкин», — деди журналист.
Аввалроқ АҚШ президенти Доналд Трамп Мисрга расмий ташрифи давомида Ғазо бўйича халқаро саммит ташкил этишни режалаштираётгани, учрашувда Европанинг ва араб дунёси етакчилари қатнашиши кутилаётгани ҳақида хабар берган эдик.