АҚШ президенти Доналд Трамп бугун, 16 октябр куни Россия президенти Владимир Путин билан телефон орқали мулоқот қилмоқда. Бу ҳақда АҚШ президенти ижтимоий тармоқдаги саҳифасида маълум қилди.
«Мен ҳозир президент Путин билан гаплашяпман. Суҳбат давом этмоқда, у узоқ давом этади ва мен унинг мазмуни ҳақида, президент Путин каби, суҳбат якунида хабар бераман»,- деди Трамп.
Трамп ва Путин ўртасидаги телефон суҳбати Америка президентининг Украина президенти Владимир Зеленский билан Оқ уйда учрашувидан бир кун олдин бўлиб ўтмоқда.
Axios қайд этишича, Путин ва Трамп Украинадаги урушни муҳокама қилади.
Зеленский ва Трамп 17 октябр куни Оқ уйда учрашади. Президентлар Американинг Украинага янги қурол-яроғ етказиб бериш, жумладан, Tomahawk ракеталарини муҳокама қилишлари режалаштирилган. Зеленский ва Трамп икки кун ичида икки марта телефон орқали гаплашди, бироқ бу суҳбатлардан сўнг яккама-якка учрашув зарур бўлди, чунки «телефон орқали муҳокама қилиб бўлмайдиган айрим масалалар бор», дея ёзмоқда Ахиос.