Бу ҳақда мамлакат вице-премьери Сун Чантол маълум қилди, деб ёзади The Wall Street Journal.
Чантолнинг сўзларига кўра, америкалик раҳбар наfaқат Камбоджа ва Таиланд ўртасидаги тўқнашувларни тўхтатишдаги хизматлари, балки бошқа минтақалардаги фаолияти учун ҳам бу мукофотга муносиб. Унинг фикрича, Трампнинг дипломатик саъй-ҳаракатлари халқаро тинчликка ҳисса қўшган.
Бу Трампнинг Нобел мукофотига илк номзодлиги эмас. Илгарироқ АҚШ Конгресси аъзоси, республикачилар вакили Даррелл Исса ҳам уни шу мукофотга тавсия этган эди.
Шунингдек, Конгресс вакили Бадди Картер Трампни Исроил ва Эрон ўртасидаги ўт очишни тўхтатишдаги ролини эътироф этиб, уни Нобел мукофотига кўрсатган. Бу ташаббусни Исроилнинг БМТдаги доимий вакили Дани Данон ҳамда мамлакат бош вазири Биньямин Нетаняху қўллаб-қувватлаган ва Нобел қўмитасига расмий хат йўллаган.