Россия президенти Владимир Путин Беларус раҳбари Александр Лукашенко билан Ваалам оролида норасмий учрашув ўтказди. Унда Россияда «Орешник» қуроли сериали ишлаб чиқарилиб, қўшинларга етказилгани маълум қилинди.
Путиннинг айтишича, мазкур қурол келгусида Беларусга ҳам етказилади. Ҳозирча бунинг учун махсус жой танланаётгани қайд этилди. Шу билан бирга, у Россия армияси Часов Ярни бир неча кун олдин «озод қилганини» тасдиқлади. Украина раҳбариятининг буни инкор этиши, президентнинг таъкидлашича, фронтдаги воқеалардан хабардор эмаслик белгисидир.
Россия армияси жанговар тўқнашув чизиғи бўйлаб олдинга силжишда давом этмоқда. Путинга кўра, мамлакат ҳеч кимнинг ерини босиб олмаяпти, фақат «ўз ерларини қайтармоқда». У, шунингдек, фронтда «кераксиз йўқотишлар йўқ»лигини ва ҳарбий муваффақиятлар рус аскарларининг жасорати туфайли амалга оширилаётганини қайд этган.