Эммануэл Макрон ўзининг X ижтимоий тармоғидаги баёнотида Путин Америка томонидан таклиф этилган, Украина ва Европа давлатлари қўллаб-қувватлаган шартсиз ўт очишни қабул қилмаганини таъкидлади. Франция раҳбарига кўра, бундай рад жавоби Россиянинг тинчликка эмас, урушни чўзишга интилаётганини кўрсатади.
У ушбу фикрларни Украина президенти Володимир Зеленский, Германия канцлери Фридрих Мерц, Полша ва Британия бош вазирлари Доналд Туск ва Кир Стармер ҳамда АҚШ президенти Дональд Трамп билан телефон орқали мулоқотдан сўнг билдирди.
Макрон Путиннинг мулоқотдан юз ўгирганини қоралаб, унинг ҳаракатлари урушни тугатиш эмас, балки стратегик вақт ютишга қаратилганини таъкидлади.
Франция президенти шунингдек, Европа етакчилари ва АҚШ билан ҳамкорликда ҳаракат қилинишини маълум қилди. Уларнинг мақсади — тинчлик йўлида мутаносиб ва бирдам ечимларни ишлаб чиқишдир.
«Кўнгиллилар коалицияси»нинг фаолияти давом этади ва Франция, АҚШ ҳамда бошқа Европа иттифоқчилари тинчликка олиб борадиган йўлни белгилашда ҳамжиҳатликда фаол бўлади, дея қайд этди Макрон.