ТАСС нашрининг маълум қилишича, сайёҳларни олиб кетаётган 59 ёшли хусусий вертолёт учувчиси тўсатдан ҳавода ўзини ёмон ҳис қилган. Аҳволи ёмонлашганига қарамай, у вертолётни Крашенинников вулқони ёнбағрига қўндирган. Шундан сўнг вафот этган.
Бортда 6 нафар сайёҳ бўлган. Уларни қутқарувчилар эвакуация қилган. Воқеа жойига бошқа бир вертолёт учиб бориб, гуруҳ аъзоларини хавфсиз равишда олиб чиққан. Туристлар тиббий кўрикдан ўтказилган ва уларнинг аҳволи қониқарли деб баҳоланган. Учувчига кўрсатилган ёрдам эса самарасиз тугаган.
Крашенинникова вулқони август ойи бошида, қарийб 600 йиллик сукутдан сўнг, фаоллаша бошлаган эди. Ундан чиқадиган кул ва газлар паст парвоздаги ҳаво кемалари учун жиддий хавф туғдириши мумкинлигини англатади.