Энг катта йўқотишлар кичик офицерлар — лейтенантлар ва капитанлар орасида кузатилмоқда. Бу лавозимдаги ҳарбийлар фронтдаги тактик қарорларни қабул қилишда муҳим рол ўйнайди. Уларнинг оммавий ҳалокати бошқарувдаги муаммолар, таъминотдаги узилишлар ва «ўз артиллерияси» томонидан ўққа тутилиш ҳолатларига олиб келган.
Россия армияси офицерлар етишмовчилигини бартараф этиш мақсадида Афғонистон, Чеченистон ва Сурияда хизмат қилган захирадаги офицерларни сафарбар қилди. Шунингдек, тажрибали ветеранлар янги ҳарбийларни тайёрлашда иштирок этмоқда.
Полковник ва подполковниклардан 144 ва 380 нафар ҳалок бўлган. Кўпинча, улар махсус бўлинмаларни бошқарган ва урушнинг дастлабки ойларида ҳалок бўлган. Айрим ҳолатларда, замонавий тиббий ёрдам воситаларининг етишмаслиги уларнинг ҳаётини сақлаб қолиш имкониятини камайтирган.
Генераллар орасида камида 10 нафари ҳалок бўлган. Уларнинг айримлари фронтда, бошқалари эса тўғридан-тўғри ҳужумлар ёки ўз ҳудудларидаги ҳодисалар натижасида ҳалок бўлган.
Умумий йўқотишлар орасида 52 фоизи уруш бошланишидан аввал армия билан боғлиқ бўлмаган фуқароларни ташкил этади. Шунингдек, ҳалок бўлганларнинг 16 фоизи жазони ўтаётган маҳкумлар, 12 фоизи эса мобилизация қилинганлардир.
Йўқотишлар сони бўйича етакчи ҳудудлар — Башқирдистон, Татаристон ва Свердловск области. Бу ҳудудларда юқори бонус тўловлари ва аҳоли сонининг катталиги асосий омиллардан бири ҳисобланади.
Бу маълумотлар Россия армиясининг Украинадаги урушдаги йўқотишлари ҳақидаги умумий тасаввурни шакллантиради.