Қирғизистон Республикаси Қишлоқ хўжалиги, Сув хўжалиги ва Қайта ишлаш саноати вазирлиги тайёрлаган буйруқ лойиҳаси жамоатчилик муҳокамасига қўйилди. Ҳужжатда йирик чорва, қўй, эчки ва отларни мамлакатдан чиқаришга олти ойлик тақиқ жорий этиш таклиф қилинган. Бу чора ички бозорда озиқ-овқат маҳсулотларининг барқарор тақчилмаслиги ва нархларнинг кескин ошиб кетишининг олдини олиш ҳамда маҳаллий ишлаб чиқарувчиларни қўллаб-қувватлашга қаратилган.
Тақиқ қатор истисноларни ўз ичига олади. Жумладан, реэкспорт, транзит, ЕАЭС ҳудудидаги ички ҳаракатлар, спорт отларининг мусобақаларда иштирок этиши, давлат ва халқаро ташкилотларга совға сифатида бериладиган отлар, ҳамда ветеринария хизмати томонидан расмий рухсатномалар асосида амалга ошириладиган чиқаришлар.
Вазирлик маълумотларига кўра, бу чекловга асосий сабаблардан бири — 2025 йил ўрталарида ЕАЭС давлатларида гўшт нархларининг кескин ўсиши. Бунга ем-хашак ва ветеринария дори воситалари қимматлаши, гўшт импорти ҳажмининг санкциялар туфайли камайиши, логистика харажатларининг ошиши, тирик чорва экспорти кўпайиши ва хусусан, пичан нархининг 30 фоизгача ўсиши таъсир кўрсатган.
Мутахассислар фикрича, вақтинчалик тақиқ маҳаллий бозорда гўшт нархини пасайтириш ва ички эҳтиёжни қондиришда муҳим омил бўлади.
Аввалроқ Тошкентдаги арзонлаштирилган гўшт маҳсулотлари хақида хабар берган эдик. Маҳсулотнинг асосий қисми Покистон, Беларус ва Ҳиндистондaн импорт қилинган