Беморларни Dr. Hua номли сунъий интеллект шифокори қабул қилади. У планшет орқали беморнинг шикоятларини йиғади, кўрсаткичларини таҳлил қилади ва даволаш режасини тайёрлайди. Таъминланган даволаш режаси кейин инсон шифокори томонидан текширилади, зарур ҳолларда у аралаша олади.
Компания маълумотига кўра, бу сунъий интеллектни тўғридан-тўғри ташхис қўйиш ва даволаш жараёнига жалб қилишдаги муҳим қадам ҳисобланади. Илк синовларда Dr. Hua томонидан йўл қўйилган хато даражаси 0,3 фоиздан кам бўлган.
Айни пайтда интеллектуал шифокор 30 та нафас йўллари касалликларини аниқлаш ва даволашга ихтисослашган. Келгусида ташхис турлари сони 50 тагача кенгайтирилиши ва янги клиникалар очилиши режалаштирилган.
Бугунги кунгача ўнлаб беморлар бепул хизматдан фойдаланишди. Тўлиқ синовлар якунланганидан сўнг, натижалар Саудия Арабистони ҳукуматига тасдиқлаш учун тақдим этилади. Расмий рухсатнома 18 ой ичида берилгани мумкин.