Маълум қилинишича, яқин кунларда янги ўқув йили учун онлайн шартнома олиш жараёни бошланади. Унда 2024 йилда Давлат қабул комиссияси тасдиқлаган контракт тўловлари ўз кучида қолади.
Юридик жиҳатдан бу тартиб Давлат қабул комиссияси қарори билан изоҳланади. Хусусан, ўтган йилда қабул қилинган қарор «2024/2025 ўқув йилдан бошлаб қуйидаги миқдорлар тасдиқлансин» деган мазмунда бўлгани учун, янгидан суммалар белгиланмагач, ўтган йилги меъёрлар амал қилишда давом этади.
Шу билан бирга, молиявий мустақилликка эга олий таълим муассасалари контракт тўловлари миқдорини ўзлари ошириш ёки ўзгаришсиз қолдириш ҳуқуқига эга.
Эслатиб ўтамиз, Жаҳон иқтисодиёти ва дипломатия университети 2025/2026 ўқув йилидан бошлаб талабалар учун шартнома нархларини 15 фоизга оширишини маълум қилган эди.