Банклар кесимида энг юқори микроқарз ставкасини TBC Bank таклиф этган бўлиб, у 42,4 фоизга етди. Энг паст кўрсаткич эса Алоқабанкда қайд этилди — 21,8 фоиз.
Автокредитлар бўйича эса аксинча ўсиш кузатилди. Бир ҳафта ичида ўртача йиллик фоиз ставкалари 23,7 фоиздан 23,8 фоизгача кўтарилди. Жисмоний шахслар учун бу кўрсаткич 24,2 фоизни, юридик шахслар учун эса 22,2 фоизни ташкил этмоқда.
Автокредитлар ичида энг мақбул ставка «Ипотека банк»да қайд этилди — 21,3 фоиз. Энг юқори кўрсаткич эса Infinbank ҳисобига тўғри келди — 28 фоиз.
Марказий банк таъкидлашича, автомобил ишлаб чиқарувчи ва етказиб берувчилар тижорат банклари билан келишув асосида қўшимча енгилликлар таклиф қилиши мумкин. Шунинг учун қайд этилган ўртача кўрсаткичлар амалдаги реал ставкалардан фарқ қилиши эҳтимолдан холи эмас.
Марказий банк 2025 йил 2 июлдан бошлаб ҳар ҳафта микроқарз ва автокредитлар бўйича ўртача фоиз ставкаларини эълон қилиб келмоқда.