Уйларни ижарага беришдан тушадиган ўртача даромад ҳам пасайиб, 10,9% дан 8,5% гача тушди. Уй нархлари ўртача 2,4% арзонлашгани қайд этилган. Ҳатто айрим туманларда, масалан, Учтепа ва Олмазорда 2–4 хонали уйлар ижараси зарарга ишлаган.
Шу билан бирга, Шайхонтоҳур ва Яккасарой каби қиммат туманларда инвестиция ҳали ҳам фойда келтирмоқда — 1 хонали уйларда 25,1%, 3 хонали уйларда эса 16,8% даромад сақланиб қолган.
Мутасаддилар фикрича, ушбу вазиятда миллий валютадаги муддатли депозитлар аҳоли учун кўпроқ қизиқиш уйғотмоқда. Чунки айни пайтда улар бўйича фоиз ставкалари 22% атрофида.
Маълумот учун, 2025 йил февралидан бошлаб бир банкдаги битта омонатчи учун тўланадиган кафолатланган компенсация суммаси 200 миллион сўмгача оширилган.