Стратегик ислоҳотлар агентлиги эълонига кўра, Ўзбекистон Республикаси Президентининг 2026 йил учун Олий Мажлис ва Ўзбекистон халқига Мурожаатномаси ҳамда Мурожаатномани амалга ошириш бўйича Давлат дастури лойиҳаларига таклифлар қабул қилинмоқда.
Ҳар бир фуқаро Президент мурожаатномаси ҳамда мурожаатномани амалга ошириш бўйича Давлат дастури лойиҳаларига ўз таклиф ва ташаббусларини тақдим этиши имкониятига эга.
Агентликнинг қайд этишича, алоҳида эътибор иқтисодиёт тармоқларини трансформация қилиш, илғор тадбиркорлик лойиҳаларини изчил рўёбга чиқариш, ижтимоий соҳани комплекс ривожлантириш, таълим ва тиббиётда замонавий ёндашувларни жорий қилишни давом эттириш ҳамда сув ресурсларидан самарали фойдаланиш ва экологик барқарорликни таъминлаш, қонун устуворлигига асосланган жамиятни шакллантириш ва тинчликсевар ташқи сиёсатни давом эттиришга доир таклифларга қаратилади.
Барча мурожаатлар синчковлик билан ўрганилиб, якуний ҳужжатларни тайёрлашда инобатга олиниши ваъда қилинмоқда.
Таклиф ва ташаббусларни қуйидаги электрон почта орқали юбориш мумкин: takliflar@asr.gov.uz