Самарқанд вилояти Каттақўрғон туманида жойлашган, ҳокимлик захирасида бўлиб турган собиқ ҳарбий қисм ҳудудидаги 12,7 гектар ер майдонини фуқаро Б.Х. расмийлаштириб бериш ваъдаси билан 600 000 доллар талаб қилган, деб хабар бермоқда Бош прокуратура.
Бу ҳақда вилоят ИИББ ЖҚБ Ер ресурслари талон-торож қилинишига қарши курашиш бўлинмасига мурожаат келиб тушган.
Фуқаро Л.Э. берган ариза асосида вилоят прокуратураси ва бошқа ҳуқуқни муҳофаза қилувчи органлар ҳамкорлигида ўтказилган тезкор тадбир чоғида, фуқаро Б.Х. сўралган 600 минг доллардан 40 000 АҚШ долларини аванс сифатида олган вақтида ашёвий далиллар билан қўлга олинди.
Ҳодиса юзасидан Жиноят кодексининг 25,168-моддаси 4-қисми «а» банди билан жиноят иши қўзғатилиб, дастлабки тергов ҳаракатлари бошланган.
Аввалроқ Самарқанд шаҳрида инсонларнинг ишончига кириб, уларни 28 минг доллар эвазига Мексика орқали АҚШга юборишни ваъда қилган фуқаро қўлга олингани ҳақида хабар берган эдик.