Айрим тоифадаги ички ишлар органлари ходимлари ва уларнинг оила аъзоларига хизмат уйлари мулк қилиб берилади. Бу ҳақда UzA хабар берди.
28 август куни қабул қилинган ҳукуматнинг 543-сонли қарорига биноан, 2022 йил 4 июлга қадар хизмат муддатини тўлиқ ўтаб, пенсияга чиққан ёки хизмат даврида касаллик сабаб резервга ёки истеъфога чиқарилган ички ишлар органлари пенсионерлари уй-жой билан таъминланиши мумкин. Бу ҳуқуқ уларнинг оила аъзоларига ҳам тааллуқли, агар уларнинг номида шахсий турар жой мавжуд бўлмаса.
Шунингдек, вaфoт этган ходимлар ва пенсионерларнинг оила аъзолари ҳам ушбу имтиёздан фойдаланишлари мумкин. Қарорга кўра, уй-жойлар давлат ҳисобидан уларнинг мулки сифатида расмийлаштирилади.
Таъкидланишича, мазкур тартиб ички ишлар тизимида узоқ йиллар хизмат қилган, аммо шахсий уй-жойга эга бўлмаган ходимлар ва уларнинг яқинларини ижтимоий қўллаб-қувватлашга қаратилган.
Қонунчиликка киритилган ушбу ўзгариш ички ишлар органлари тизимида хизматни обрўли қилиш ва кадрларни ижтимоий жиҳатдан таъминлашда муҳим аҳамият касб этади.