2025 йил 19 май куни қабул қилинган қонунга мувофиқ, Жиноят кодексининг 135-моддасига ўзгартириш киритилиб, қалбаки ҳужжатлардан фойдаланиб, жабрланувчининг шахсий ҳужжатларини яшириш, йўқ қилиш ёки олиб қўйиш билан боғлиқ ҳолларда озодликдан маҳрум қилиш муддати 5 йилдан 10 йилгача этиб белгиланди. Илгари бу каби жиноятлар учун 5 йилдан 8 йилгача қамоқ жазоси тайинланган эди.
Шунингдек, агар одам савдоси оқибатида жабрланувчи ҳалок бўлса ёки бошқа оғир оқибатлар юзага келса, айбдор 10 йилдан 15 йилгача озодликдан маҳрум этилади. Илгари бу ҳолатларда 8 йилдан 12 йилгача қамоқ жазоси белгиланган эди.
Қонун расмий эълон қилинган кундан бошлаб амалга кирди. Мазкур чоралар одам савдосининг олдини олиш ва жиноятчиларга нисбатан кескин муносабатни кучайтиришга қаратилган.