АҚШ президенти Доналд Трамп 5 кундирки оммавий ахборот воситалари олдида кўринмай қолди. Бу ҳолат унинг соғлиги ҳақида шубҳалар уйғотди. Оқ уй маълум қилишича, Трампга «хроник веноз етишмовчилиги» ташхиси қўйилган. Бу хасталик қоннинг оёқ томирларидан юракка қайта оқишида қийинчилик туғдиради.
Президент матбуот котиби Каролайн Левитт Трампнинг қўлидаги кўкаришлар ҳақида ҳам изоҳ берди — улар аспирин қабул қилиши ва доимий қўл сиқишлар ортидан юзага келган тери сезгирлигидан далолат бериши айтилди. Бироқ расмларда бу кўкаришлар грим ёки крем билан ёпилгани ҳақида шубҳалар ҳам пайдо бўлди, деб ёзмоқда Sondakika
Бу орада вице президент Жей Ди Вэнс USA Today нашрига берган интервюсида, эҳтимолий ҳолатда президентликни қабул қилишга тайёрлигини билдириб, «Янги фалокат юз берса, охирги 200 кун ичидаги тайёргарлик менга етарлича тажриба берди», деди. Бу баёнот Трамп соғлиғи борасидаги мунозараларни янада кучайтирди.
Трампнинг сўнгги кунларда жамоатчилик олдида кўриниш бермай қолгани, қўл ва оёқларидаги ўзига хос белгилари интернетда кенг муҳокама этилди. Фойдаланувчиларнинг айримлари Оқ уй ҳақиқатни яшираётганини айтса, бошқалар расмий изоҳлар етарлилигини таъкидламоқда. Мутахассислар фикрича, Трамп яқин кунларда қайта омма олдида чиқиш қилса, бу шубҳаларга жавоб бўлиши мумкин.