Агар бу таклиф қабул қилинса, Исроил компаниялари Европа грантлари ва миллионлаб евро маблағлардан маҳрум бўлади. Бу ташаббусни кўплаб Европа давлатлари қўллаб-қувватлади, аммо барчаси бир овоздан рози бўлмади, деб ёзмоқда Bild нашри.
Хусусан Германия ташқи ишлар вазири Йоҳанн Вадефул Копенҳагендаги учрашувда бундай санкция Ғазодаги вазиятга таъсир қилмаслигини билдирди. Унинг сўзларига кўра, Германия бундан кўра Исроилга қурол етказиб беришни чеклаш сиёсатида қолади. Вадефул «Бу жуда мақсадли чора ва жуда муҳим», дея таъкидлади.
Италия ҳам санкцияга қарши чиқди. Бироқ Франция, Испания, Нидерландия каби йирик давлатлар ва қатор кичик аъзо мамлакатлар таклифни маъқуллади.
Аммо қарорни қабул қилиш учун оддий кўпчилик етарли эмас. Европа Иттифоқида санкция каби жиддий масалаларда «мутлақ кўпчилик» талаб қилинади, яъни қарор қабул қилиш учун мамлакатлар камида иттифоқ аҳолисининг 65 фоизини қамраб олиши шарт. Ҳозирча бундай якдиллик йўқ.