2025/2026 ўқув йили учун магистратура мутахассисликларига қабул бўйича натижалар эълон қилинди. Бу ҳақда Олий таълим, фан ва инноватсиялар вазирлиги хабар берди.
my.edu.uz электрон тизими орқали онлайн ариза йўллаган талабгорларнинг ҳужжатлари тўлиқ кўриб чиқилган. Талабгорлар натижаларни my.edu.uz электрон тизими орқали шахсий кабинетидан билишлари мумкин.
Маълумот учун, жорий йил магистратура учун кундузги, кечки ва масофавий шаклларда жами 21 949 та ўрин ажратилди. Хусусан, хорижий ва хусусий ОТМ талабалари учун 1 320 та, хотин-қизлар учун 4 000 та грант ажратилди.