Goal.com сайти ЖЧ-2026 бўйича фаворитлар рўйхатини эълон қилди. Ўзбекистон миллий жамоаси 25-ўриндан жой олган. Бу мамлакат учун тарихий натижа сифатида қайд этилмоқда.
Рўйхатда Испания чемпионликка энг асосий даъвогар сифатида кўрсатилган.Испаниядан кейин Аргентина, Англия ва Португалия юқори тўртликни ташкил қилган. Бразилия эса биринчи саккизликда ўрин олган. Шунингдек, Марокаш, Эквадор ва Корея Республикаси ҳам юқори ўнликдан жой топди.
Осиё мамлакатлари орасида Корея Республикаси 11-ўринни, Япония 12-ўринни, Эрон 22-ўринни, Ўзбекистон 25-ўринни ва Иордания 26-ўринни эгаллади. Австралия эса 21-ўриндан жой олган.
Тўлиқ рейтингда 27 давлат қайд этилган бўлиб, улар орасида Европа ва Жанубий Америка давлатлари кучли етакчиликни сақлаб турибди. Бу Ўзбекистон терма жамоаси учун катта ютуқ сифатида қайд этилмоқда, чунки миллий жамоа илк бор шундай нуфузли рейтингларда юқори ўринлардан кўрина бошлади.
Футбол бўйича жаҳон чемпионати 2026 йил 11 июндан 19 июлга қадар АҚШ, Канада ва Мексикада ўтказилади. Мусобақада жами 48 жамоа иштирок этади ва бу тарихдаги энг йирик ЖЧ бўлиши кутилмоқда.
Эслатиб ўтамиз, 8 сентябр куни футбол бўйича Ўзбекистон миллий терма жамоаси илк марта CAFA Nations Cup–2025 турнири ғолиблигини қўлга киритган эди.