Низомга кўра, агентлик умумий ўрта, ўрта махсус, касбий, олий ва олий таълимдан кейинги таълим соҳаларида, шунингдек кадрларни қайта тайёрлаш ва малакасини ошириш тизимида ташқи сифат назоратини амалга оширади. Шу тариқа, у малакаларни баҳолашда махсус ваколатли давлат органи ҳисобланади.
Агентликнинг асосий вазифалари:
- Таълим ташкилотларида ички сифат назорати мезонлари ва тартибларини такомиллаштириш ҳамда самарали амалга ошириш юзасидан услубий тавсиялар бериш;
- Таълим ташкилотларида таълим сифатини таъминлашга қаратилган чора-тадбирлар самарадорлигини ўрганиш юзасидан илмий ва амалий тадқиқотларни олиб бориш ҳамда сўровномалар ўтказиш.
Тузилма таркибига агентликнинг марказий аппарати ҳамда Миллий малака тизимини ривожлантириш институти киради. Бу орқали тизимли ёндашув ва илмий асосланган қарор қабул қилиш имкониятлари кенгаяди.