«Сaravan Info» агентлигининг хабар беришича, ўртача ўсиш суръати паст бўлишига қарамай, олтинга талаб саноатда ҳам, молия бозорларида ҳам юқори даражада сақланиб қолмоқда.
Анъанага кўра, Хитой энг йирик ишлаб чиқарувчи давлат сифатида биринчи ўринни эгаллади. Ундан кейин Россия ва Австралия жойлашган. Канада ҳамда АҚШ кучли бешликка кирган.
Ўзбекистон эса илк бор энг кўп олтин қазиб олувчи ўнта давлат қаторига кирди. Бу мамлакатнинг глобал олтин бозоридаги нуфузи ва таъсири ортиб бораётганини англатади.
Мутасаддилар таъкидлашича, олтин қазиб олиш анъанавий равишда Ўзбекистоннинг экспорт салоҳиятида асосий йўналиш бўлиб келган. Йирик ишлаб чиқарувчилар қаторига кириш эса иқтисодий барқарорликни мустаҳкамлаш, молия секторини ривожлантириш ва хорижий сармояларни жалб қилиш учун янги имкониятлар очиши кутилмоқда.
17 сентябр куни Ўзбекистонда олтин қуймалар нархи кўтарилиб, бир грамми учун 1 млн 510 минг сўмдан ошгани ҳақида хабар берган эдик.