16 сентябр, сешанба куни АҚШ президенти Доналд Трамп расмий ташриф билан Лондонга йўл олаётган пайтда уни олиб кетаётган Air Force One президент самолёти билан Spirit Airlines авиакомпаниясига тегишли йўловчи самолёти Лонг Айленд осмонида бир хил баландликда учиб кетаётгани маълум бўлди.
АҚШ ОАВ ёзишича, ҳаво ҳаракати диспетчери вазиятни деярли сўнгги лаҳзаларда пайқаб қолиб, Spirit пилотларига шошилинч равишда йўналишни ўзгартириш буйруғини берган.
Айнан шу ҳаракат натижасида икки самолётни бир неча мил масофада хавфсиз ҳолда ажратишга муваффақ бўлинган. Ҳар қандай кечикиш ҳалокатли оқибатларга олиб келиши мумкин эди.
Трамп расмий жавоб бермаган, аммо Оқ уй манбалари президентнинг аҳволи яхши эканини маълум қилган.