Франция президенти Эммануэл Макрон ва унинг рафиқаси Америка судига Брижит Макроннинг аёл эканини тасдиқловчи «фотографик ва илмий далиллар»ни тақдим этишмоқда. Бу ҳақда Макронлар оиласининг адвокати Британиянинг BBC телерадиокомпанияси эфирида маълум қилди. (https://www.kommersant.ru/doc/8043071)
Далиллар Брижит Макроннинг эркак бўлиб туғилганини даъво қилаётган америкалик ўнг қанот таъсир ўтказувчи Кендис Оуэнсга қарши Макронлар томонидан қўзғатилган туҳмат даъвоси бўйича суд жараёнида кўрсатилади.
«Экспертларнинг кўрсатмалари табиатан илмий бўлади», — деб таъкидлади адвокат Том Клер. Унинг айтишича, мижозлари Оуэнс хонимнинг айбловлари ёлғон эканлигини «умумий ва аниқ тарзда» исботлашга интилмоқда.
Клер Франция биринчи хоними ва унинг турмуш ўртоғи айбловлар ҳамда шахсий ҳаётларига аралашувдан қаттиқ азият чекаётганини маълум қилди. Шундай бўлса-да, «(Брижит Макрон) вазиятни бир марта ва бутунлай ойдинлаштиришга юз фоиз тайёр», — деди у.
Шунингдек, адвокат Брижит Макроннинг ҳомиладорлик ва эмизиш пайтида олинган фотосуратларни тақдим этишга тайёрлигини сўраганда, ижобий жавоб берди.