18 сентябр куни, Доналд Трамп Буюк Британаяга давлат ташрифидан қайтганида, Air Force One самолётида журналистлар билан бўлган суҳбатда унинг фаолиятига салбий муносабат билдирган телерадиокомпаниялар ва газеталарни жазолаш бўйича фикр билдирди.
Трампнинг айтишича, АҚШдаги 97 фоиз телеканаллар унга қарши ишламоқда, лекин бу ҳолатга қарамай, у 7 та асосий штатда ғалаба қозонган. Шундай экан, у ушбу телеканаллар ва оммавий ахборот воситаларининг лицензияларини олиш зарурлигини таъкидлади.
Бироқ, федерал алоқалар комиссияси (FCC) томонидан берилган маълумотларга кўра, телеканаллар учун лицензия талаб қилинмайди. Мазкур комиссиянинг расмий сайтда белгилангани бўйича, маҳаллий телеканаллар ўз фаолиятларини лицензиясиз давом эттириши мумкин.
Трампнинг бу баёни ABC телеканали ток-шоу бошловчиси Жимми Киммелни ишдан олишидан кейин берилган. Трамп Киммелни «истеъдодсиз» деб атаган ва унинг шоуcи паст рейтингларга эга бўлгани учун унинг ишдан олинганини айтиб ўтган.
Киммел шоусининг номаълум муддатга тўхтатилиши натижасида, Disney ва бошқа йирик медиа компанияларига қарши бойкот чақириқлари келиб чиққан. 18 сентябрда Лос-Анжелесдаги Walt Disney Studios офиси олдида тахминан 200 киши Disneyнинг қарорини қоралаган ва касаба уюшмалари томонидан ташкил қилинган намойишга иштирок этган.
Аввалроқ Доналд Трамп «The New York Times» нашрини унга нисбатан узоқ йиллар давомида ёлғон ва туҳмат тарқатганликда айблаб судга берган.