«Ўзгидромет» маълумотига кўра, 19–21 сентябр кунлари мамлакат бўйлаб ҳаво асосан бироз булутли бўлади. Ҳудудларда ёмғир кутилмайди, аммо айрим вилоятларда қисқа муддатли ёғингарчилик эҳтимоли бор.
Жума куни кундузги ҳарорат +25…+28 даража, мамлакатнинг жанубий ҳудудларида +30 даражагача кўтарилади. Шанба куни чўл ҳудудлари ва жанубда ҳарорат сезиларли ошиши кутилмоқда. Якшанба куни эса марказий ҳудудларда кундузи +32…+34 даражагача исийди.
Қорақалпоғистон Республикаси ва Хоразм вилоятида 20–21 сентябр кунлари айрим жойларда қисқа муддатли ёмғир ва момақалдирақ кузатилиши мумкин. Бу ҳудудларда ҳаво ҳарорати нисбатан пастроқ бўлиб, +23…+28 даража атрофида бўлиши айтиб ўтилган.
Шимолий вилоятлар ва чўл ҳудудларида шамолнинг 13–18 м/с гача кучайиши кутилмоқда. Айрим жойларда чанғ-тўзонлар кузатилиши эҳтимоли ҳам юқори.
Тошкент шаҳрида ҳаво бироз булутли ва ўзгарувчан бўлади. Ёмғир кутилмайди. Шамол шарқдан 3–8 м/с тезликда эсиши кутилмоқда. Жума куни пойтахтда ҳарорат +26 даража, шанба куни +28…+30 даража, якшанба куни эса +32…+34 даражагача кўтарилади.