Россия президенти Владимир Путиннинг онаси Мария Шеломова ёшлигида юзидан паншаха билан жароҳатланиб, бир кўзини йўқотган. Бу ҳақда журналистлар Роман Баданин ва Михаил Рубин «Царь собственной персоной» китобида ёзган, деб хабар берди BILD нашри.
Маълумотларга кўра, воқеа 1928 йил атрофида Тверь областининг Тургиново қишлоғида содир бўлган. 17 ёшли Мария уйига ёш Владимир Путинни таклиф қилган, лекин у бир неча йигитлар билан келган. Қиз уларни киритишни хоҳламаган, шу сабабли йигитлар дарвозани паншаха билан бузишга уринган. Бир зарба Мариянинг юзига тегиб, кўзини ўйиб олган. Натижада, врачлар унинг бир кўзини олиб ташлаган.
Аввалги маълумотларга тўғри келмайдиган бу эпизод Путиннинг шахсий ҳаётига оид янги фикрлар уйғотмоқда. Путин аввалроқ ота-онаси ҳақида гапирар экан, «отасини ҳеч қачон маст ҳолда кўрмаганини ва удан ҳеч қачон қўпол сўз эшитмаганини», таъкидлаган эди.
Воқеадан сўнг қизнинг онаси судга бериш билан таҳдид қилиб, Владимир Спиридоновични қизига уйланишга мажбур қилган. Улар Ленинградга кўчиб ўтишган ва у ерда Владимир заводда иш бошлаган.
Мария Шеломова жуда кам сонли суратларга тушган — уларда ҳам у кўпинча юзининг жароҳатланган қисми камерадан яширишга ҳаракат қилган.