Хитой Ғарбнинг анъанавий сақлаш марказларини четлаб ўтиш мақсадида хорижий мамлакатлар билан уларнинг олтин захираларини маҳаллий омборларга жойлаштириш бўйича музокаралар олиб бормоқда. Бу ҳақда Bloomberg хабар берди.
Агентлик маълумотларига кўра, Хитой Халқ банки бир қатор мамлакатлар билан уларнинг олтин захираларини Шанхай олтин биржаси омборларига кўчириш имкониятини фаол муҳокама қилмоқда. Жануби-Шарқий Осиё мамлакатларидан камида биттаси аллақачон ушбу таклифга қизиқиш билдирган.
Блоомбер’нинг таъкидлашича, Хитой халқаро олтин захираларини сақлашнинг етакчи марказига айланишга интилмоқда. Бу орқали у АҚШ, Буюк Британия ва Швецариядаги анъанавий Ғарб хазиналарига рақобатчи бўлишни кўзламоқда. Ҳозирги кунда мамлакат сақланаётган олтин ҳажми бўйича атиги бешинчи ўринда туради. Бироқ, Хитойнинг заргарлик буюмлари, қуймалар ва инвестицион тангаларни ўз ичига олган ички олтин бозори дунёдаги энг йирик ҳисобланади.
Агентликнинг қайд этишича, бу қадам Пекиннинг жаҳон молия тизимидаги таъсирини кучайтиради ва унинг долларга қарам бўлишини камайтиради.
Сўнгги икки йил ичида олтин нархи деярли икки баробарга кўтарилиб, бир унцияси 3,7 минг доллардан ошди. Бунга асосан турли давлатларнинг марказий банклари томонидан металлга бўлган юқори талаб сабаб бўлди.