Зеленский Ню-Йоркда БМТ Бош Ассамблеясидан қайтишдан олдин журналист Барaк Равид билан суҳбатда президентлик лавозимини тарк этишга тайёрлигини билдирган. Унинг сўзларига кўра, асосий мақсад — урушни якунлаш, тинчликдан кейин эса мамлакатни бошқариш нияти йўқ. Унинг айтишича, агар бир неча ойлик оташкесим эълон қилинса.
«Агар бир неча ойлик оташкесим эълон қилинса, мен парламентга сигнал бериб, сайловларни ташкил этиш зарурлигини билдиришим мумкин» — деди Зеленский
Амалда Украина Конституцияси ҳарбий ҳолат даврида сайлов ўтказишни қатъий тақиқлайди. Шу билан бирга, мамлакат ҳудудининг тахминан 20 фоизи Россия томонидан босиб олингани ва миллионлаб украиналиклар кўчирилгани туфайли хавфсизлик муаммолари ҳам жиддий тўсиқ бўлиб турибди. Зеленскийнинг фикрича, вақтинчалик оташкесим шароитида сайлов ўтказиш имкони пайдо бўлиши мумкин.
Президент сўнгги йилларда катта сиёсий босимларга дуч келди. Жорий йил июлида унинг парламентар иттифоқчилари коррупцияга қарши мустақил тузилмалар ваколатларини чеклашга ҳаракат қилганидан сўнг Киевда намойишлар ўтказилди. Бу қарор тезда бекор қилинган бўлса-да, Зеленскийнинг демократик йўналиши борасида саволлар туғдирди.
Зеленский 2019 йилда сайловларда мутлақ ғалаба билан президент бўлган. Уруш бошланишида унинг рейтинги 90 фоиздан юқори кўтарилган, ҳозирда эса сўровларда 60 фоиздан ортиқ кўрсаткични сақлаб турибди. Агар у парламентга сайловлар ташкил этиш бўйича қонун киритса, партиясининг катта кўпчилик овозлари туфайли қонун лойиҳаси осонлик билан қабул қилиниши эҳтимол.
Аввалроқ Зеленский Путинга Қозоғистонда учрашишни таклиф қилган эди.