Ўзбекистон Инвестициялар, саноат ва савдо вазирлиги (ИССВ) Россия бозорида маҳаллий тўқимачилик ва пойабзал ишлаб чиқарувчиларни қўллаб-қувватлаш дастурини ишга туширганини маълум қилди.
Ташаббус доирасида Москвадаги «Садовод» савдо мажмуасидаги савдо ва омбор майдонлари ижарага олиниб, Ўзбекистон компанияларига бепул фойдаланиш учун тақдим этилмоқда. Бу экспортчиларнинг ўз маҳсулотларини россиялик харидорларга ҳар куни намойиш этиши ва миллий брендлар мавқеини мустаҳкамлашига имкон яратади.
Офлайн савдодан ташқари, дастур иштирокчилари Россиянинг Wildberries, Озон, Яндех.Маркет каби етакчи онлайн платформаларига чиқиш имкониятига эга бўлади. Шундай қилиб, экспортчилар кенг аудиторияни қамраб олиш ва етказиб бериш географиясини кенгайтириш имкониятига эга бўлади.
ИССВ таъкидлашича, мазкур лойиҳа Россия билан савдо-иқтисодий алоқаларни мустаҳкамлаш, экспорт каналларини диверсификация қилиш ва маҳаллий ишлаб чиқарувчиларнинг хорижий бозорлардаги рақобатбардошлигини оширишга қаратилган.