Банк томонидан мижозларга юборилган расмий хатда таъкидланишича, Visa ва Mastercard тўлов тизимлари орқали амалга ошириладиган бундай транзакциялар Гуржистонда ҳам, бошқа мамлакатларда ҳам блокланади. Санкциялар асосида бундай маҳсулотларнинг Россияга етказиб берилиши тақиқланган ва энди ушбу талабларни банклар назорат қила бошлади.
Bank of Georgia вакили РБКга маълум қилишича, ушбу чекловлар банкнинг шахсий ташаббуси эмас, балки миллий регулятор талабларига мувофиқ амалга оширилмоқда. Кўплаб мамлакатларда люкс дўконлар россияликларни аниқлашда қийналаётган бир пайтда, банк орқали автоматик фильтрлаш янги ёндашув сифатида баҳоланмоқда.
Аввалроқ россияликлар Дубай, Ницца ва Римдаги люкс дўконларда ҳам шундай тўсиқларга дуч келгани хабар қилинган. Бироқ, экспертларнинг таъкидлашича, бошқа банклар томонидан бундай текширувлар ҳозирча амалга оширилмаган.
Мутассаддилар фикрича, Россияга қўшни давлатлар банклари бундай чекловларни кенгроқ татбиқ этиши эҳтимолдан холи эмас. Бу айниқса, Россиядан оммавий кўчиб ўтиш фонида санкцияларнинг қатъийроқ амалга оширилишини кўрсатади.