«Менимча, кейинги сайловларда Республикачилар партиясидан АҚШ вице-президенти Жей Ди Вэнс номзод бўлади, агар у сайловда қатнашишга қарор қилса», — деди Рубио интервюда.
Унинг сўзларига кўра, вице-президент унинг яқин дўсти бўлиб, ўз ишини «жуда яхши бажараяпти». Рубио шунингдек, Доналд Трампнинг жамоаси «аъло даражада ишлаяпти», деб таъкидлаб, «мен ҳам, Вэнс ҳам президент дастурини амалга ошириш учун ҳаракат қиляпмиз», — дея қўшимча қилди.
Август ойида Доналд Трамп ҳам ўз навбатида Вэнсни республикачилар партиясидан келгуси президентлик сайловларида энг эҳтимолли номзод сифатида атаган эди. Унинг таъкидлашича, ҳозирча ворис ҳақида гапиришга эрта, бироқ вице-президент унинг «фаворити» ва лавозимини аъло даражада бажармоқда.
Трамп, шунингдек, партия ичида бошқа кучли номзодлар ҳам борлигини, жумладан Марко Рубио ҳам улар орасида эканини қайд этди.
Ўз навбатида, Жей Ди Вэнс ўшанда «айни пайтда президентлик сайловлари ҳақида эмас, ўз ишига тўлиқ эътибор қаратаётганини» билдирган эди.