Бугун, 6 октябр куни Тошкент метросининг Ғафур Ғулом бекатида ғайриоддий ҳодиса юз берди – йўловчилардан бирида туғруқ бошланди. Бу ҳақда станция навбатчиси Наима Маҳамаджановага йўл ўтказгичда бўлган ички ишлар ходими маълум қилган.
Қайд этилишича, Наима Маҳамаджанова ўзининг касбий билим ва кўникмаларини ишга солиб, тезкорлик билан биринчи тиббий ёрдам кўрсатди ва станциянинг ўзида аёлнинг соғ-саломат туғишига ёрдам берган. У туғруқдан кейинги зарур муолажаларни ўтказган – киндикни боғлаган ва чақалоқнинг нафас олиш рефлексини фаоллаштирган.
Шундан сўнг тез ёрдам ва туққан аёлнинг яқинлари чақирилган. Ҳозирда она ва янги туғилган чақалоқнинг саломатлиги яхши – улар шифохонага етказилган.