Шотландиялик аёл «Қурилиш: Усмон» номли машҳур турк тарихий сериалидан таъсирланиб, Ислом динини қабул қилди. Бу сериал «Bozdag Film» томонидан суратга олинган.
Бўздағ Филм баёнотида айтилишича, Жулиэта Лорена Мартинез сериални томоша қилиш давомида турк маданиятига чуқур қизиқиш уйғотган. Унинг қизиқиши ортиб борган сари, қўшимча маълумотлар излашга киришган ва бу охир-оқибат унинг мусулмон бўлиш қарорига таъсир кўрсатган.
«Мен Covid-19 карантини пайтида турк телевидениясини кўра бошладим. Чунки илгари ҳеч қачон билмаган ҳикоя, тарих ва Ислом ҳақидаги маълумотлар мени жуда таъсирлантирди. Бу мени Қуръонни ўқишга ундади ва икки йил ўтгач, «Усмон» сериалини кўрганимдан сўнг, шаҳодат келтирдим ва мусулмон бўлдим», – деган Мартинез.
Аёл Истанбул шаҳрига ташриф буюриб, у ерда «Bozdag Film» студияларини томоша қилган, сериалнинг суратга олинган жойларини айланиб чиқққан ва машҳур асарда тасвирланган Қойи қабиласи қароргоҳини ўз кўзи билан кўрган.
Сериал Усмонли империясининг вужудга келиши ва маданий меросини акс эттиргани туфайли бутун дунё бўйлаб миллионлаб томошабинларни ўзига жалб қилган глобал ҳодисага айланди.