12 октябр куни кечқурун Қашқадарё вилоятининг Қамаши туманида икки аёл пичоқлаб ўлдирилган. Гумонланувчи уларнинг қариндоши — оиланинг куёви бўлган.
Бош прокуратура Ахборот хизмати раҳбари Ҳаёт Шамсутдиновга кўра, воқеа юзасидан Ўзбекистон Республикаси Жиноят кодексининг 97-моддаси (қасддан одам ўлдириш) бўйича жиноят иши қўзғатилган.
Маълумот учун, гумонланувчи нафақадаги собиқ ҳарбий хизматчи бўлиб, ҳозирда мактабда ўқитувчи сифатида фаолият юритган.
Ҳозирда у ҳуқуқни муҳофаза қилувчи органлар томонидан қўлга олинган ва тергов ҳаракатлари бошланган.