АҚШ президенти Доналд Трамп фаластинларнинг ҲАМАС ҳаракатига очиқ огоҳлантириш берди. Унинг таъкидлашича, ҳаракат Вашингтонга қуролсизланишга ваъда берган, бироқ агар бу амалга ошмаса, бу ишни Америка қилади.
«Улар менга қуролларни ташлашларини айтди. Агар бу бўлмаса — биз уларни разоружия қиламиз», — деди Трамп Аргентина президенти Хавиер Милей билан Оқ уйдаги учрашувда. Президент бу жараён қандай амалга оширилишини очиқламади, аммо «ҲАМАС менинг ҳазиллашмаётганимни яхши билади», деб таъкидлади.
Трампнинг сўзларига кўра, Исроил ва ҲАМАС ўртасидаги уруш тугатилиб, келишувнинг илк босқичи имзоланган. Энди Вашингтон диққатини Украинадаги можарога қаратиши лозим. «Биз Россия билан бўлган масалани ҳал қилишимиз керак. Агар қарши бўлмасангизлар, эндиликда Россияга эътибор қаратайлик», — деди у.
АҚШ раҳбарининг бу баёноти Ғазо бўйича тинчлик музокараларига янги босим омилини киритди. Халқаро кузатувчиларнинг фикрича, Трампнинг «ҳарбий босим орқали тинчлик» стратегияси минтақадаги барқарорликни таъминлаши ёки тескари натижа келтириб чиқариши мумкин.