2022–2023 йилларда БАА Африкага 97 млрд доллар сармоя киритган, бу Хитойнинг шу даврдаги инвестицияларидан уч баробар кўпдир. АҚШ эса 2023 йилда Африкада фақат 10 млрд долларлик инвестиция амалга оширган.
БААнинг AMEA Power компанияси Марокаш, Сенегал, Жанубий Африка Республикаси, Буркина-Фасо, Жибути, Миср, Кения, Кот-д’Ивуар, Того, Тунис, Уганда ва Эфиопияда яшил энергетика лойиҳаларини амалга оширмоқда. DP World эса Африка портлари ва эркин иқтисодий зоналарига миллиардлаб доллар сармоя киритган.
2024 йилда БААнинг International Holding Company Замбиядаги Мопани мис конларининг 51 фоиз улушини 1 млрд доллардан ортиққа сотиб олган. Шунингдек, БАА Мисрдаги Рас-эль-Хекма шаҳрини ривожлантириш учун 35 млрд долларлик лойиҳани бошлаган.
АҚШ ва Хитойнинг Африкадаги таъсири пасайиб бораётган бир пайтда БАА ўзининг иқтисодий ва сиёсий таъсирини кенгайтирмоқда. Бу ҳолат глобал сиёсий ва иқтисодий мувозанатда янги тенденцияларни кўрсатмоқда .