Анвар Иброҳим бу баёнотини Ислом ҳамкорлик ташкилоти саммити доирасидаги чиқиши чоғида билдирди. У халқаро ташкилотларни, айниқса, БМТ ва Ислом давлатларини зудлик билан ҳаракат қилишга чақирди. Бош вазирнинг сўзларига кўра, Ғазода кечаётган воқеаларга нисбатан бефарқлик келажакда янада кенгроқ фожиаларга йўл очиши мумкин.
Малайзия раҳбари Ғазодаги вазиятни «ташкил этилган қирғин» деб атади ва бу ҳақда жим қолишни инсоният тарихидаги улкан хато, деб таъкидлади. У халқаро суд органларини жиноятлар юзасидан суриштирув бошлашга чақирди.
Анвар Иброҳимнинг сўзларига кўра, Малайзия фаластинликларнинг ҳақ-ҳуқуқларини ҳимоя қилиш ва инсонпарвар ёрдам кўрсатишни давом эттиради. Шунингдек, у Исроил ҳаракатларини кескин танқид қилиб, Ғазодаги урушда айбдорларни жавобгарликка тортиш зарурлигини таъкидлади.