Россия Федерацияси Коммунистик партияси Ханти-Мансий округи парламенти депутати Холид Тагизадени партиядан чиқарди. Бу қарор унинг «Сибир ўзбеклар учун тарихий ватан» деган баёноти ортидан қабул қилинди. Партия раҳбарияти мазкур фикрни расмий нуқтайи назарга мутлақо тўғри келмаслигини таъкидлади.
Тагизаде мазкур гапни округ парламенти йиғилишида айтиб ўтган. У тарихий мисол сифатида Кучумхон даврини тилга олган ҳолда, «бугунги мигрантлар тарихий ватанига қайтаяптими?» дея савол берган. Унинг бу сўзлари сиёсий муҳокамаларга сабаб бўлиб, кенг жамоатчилик эътиборини тортди.
Россия матбуотида тарқалган маълумотларга кўра, ушбу баёнот мамлакатнинг ички хавфсизлиги масалалари билан боғлиқ деб баҳоланмоқда. Шу сабабли, ФСБ (Федерал хавфсизлик хизмати) томонидан Тагизадега нисбатан текширув ўтказилиши мумкинлиги ҳақида ҳам хабарлар пайдо бўлди.
Партия расмий баёнотида қайд этилишича, Холид Тагизаденинг чиқиши миллий мувозанат ва тарихий фактларга нисбатан ноанъанавий ёндашув сифатида баҳоланади. «Коммунистик партияда шахсий таърифларга ўрин йўқ», — дейилади баёнотда.
Тагизаде ҳозирча оммага изоҳ бермаган. Унинг тақдири ва келгуси сиёсий фаолияти юзасидан расмий маълумотлар кутилмоқда.