Париждаги машҳур «Гревен» музейига ишчи кийимида кирган «Греэнпеаcе» экологик ҳаракати фаоллари Франция президенти Эммануэл Макроннинг мум ҳайкалини олиб чиқишди. Улар ҳайкални адёлга ўраб, хизмат эшиги орқали музейни тарк этишган. Маълумотларга кўра, ушбу ҳайкалнинг баҳоси тахминан 40 минг еврога тенг.
Аниқланганидек, бу ғайриоддий акция орқали фаоллар Франциянинг Россия билан энергия соҳасидаги иқтисодий муносабатларига эътироз билдиришни мақсад қилган. Улар Франция ҳукумати Россиядан газ, атом электр станциялари учун ёқилғи ва ўғит сотиб олишни давом эттираётганини танқид қилмоқда.
Макрон ҳайкали 10 га яқин фаоллар томонидан Россия байроғи фонида Париждаги Россия элчихонаси олдига олиб чиқилди. Улар “Украина ёнмоқда, бизнес эса давом этмоқда” деган ёзувли баннер билан чиқиш қилишди.
«Греэнпеаcе» ушбу ҳаракат орқали Франциянинг уруш давом этаётган бир пайтда Россия билан иқтисодий алоқаларни сақлаб қолаётгани орқали Кремлга билвосита молиявий ёрдам кўрсатаётганини намоён этди.