Шепихин ўзини Россиядаги ягона миллий спикер деб атаган ва ўзини ментор, маркетолог, бизнес-коуч, дунёдаги №1 визионер сифатида танитган. Унинг ижтимоий тармоқлардаги фаолиятида чеченлар, мусулмонлар ва бошқа шахсларга нисбатан ҳақоратли баёнотлар мавжуд бўлган.
Ўғирланишидан бир неча дақиқа олдин у Ярослав вокзалидан навбатдаги видеосини ёзиб, айрим блогерларни ҳақорат қилган. Бу видеоси орқали у ўз жойлашувини ошкор қилган бўлиши мумкин .
Ўғирлашда чеченистонликлар иштирок этган бўлиши мумкинлиги тахмин қилинмоқда. Гувоҳларнинг сўзларига кўра, уни олиб кетган шахслар чечен акцентида сўзлашган. Чечен блогерлари унинг видеоларини тарқатиб, жазоланишини талаб қилишган.
Полиция Mercedes автомобилни Сколково ҳудудида тўхтатишга уринишган, аммо у қочиб кетган. Кейинроқ, автомобиль Киев шоссесида тўхтатилган, лекин у ерда Шепихин бор-йўқлиги номаълум бўлган. Ҳозирда полиция ушбу ҳолат бўйича текширув олиб бормоқда.