«Morning Midas» деб номланган 46,800 тонналик кема Алёут оролларидан 300 мил жанубда ёнғинга учради. Кема Хитойнинг Яньтай портидан 26 май куни йўлга чиққан бўлиб, ундан аввал Нанша ва Шанхай портларига кирган.
Кеманинг бошқарувчиси Zodiac Maritime компанияси маълум қилишича, ёнғинни ўчириш чоралари кўрилган, бироқ аланга назоратдан чиқиб кетган. АҚШ Қўлтиқ гвардияси 22 нафар экипаж аъзосини яқиндаги савдо кемасига эвакуация қилган.
Бундай ҳолатлар глобал юк ташиш тармоғида электр транспорт воситаларининг хавфини янада очиқ қилиб қўйди. Allianz суғурта ширкати жорий йилдаги ҳисоботида электромобилларни ташишда ёнғин хавфи ортиб бораётганини таъкидлаган.
Таҳлилларга кўра, электромобиллар билан боғлиқ ёнғинлар кўпинча кучлироқ ва узоқ давом этади. Литий-ион батареяларни совитиш учун 30 минг литргача сув талаб этилади. Кемадаги тор ва металл муҳитда эса бундай ёнғинни ўчириш янада мураккаблашади.
Бундай ҳодисалар аввал ҳам содир бўлган — 2022 йилда Атлантика океанида 4 мингта машина олиб кетаётган кема ёнғиндан кейин чўккан. 2023 йилда эса Нидерландия соҳили яқинида яна шунга ўхшаш ҳолат қайд этилган.
Кемалар эгалари сўнгги йилларда хавфсизликни таъминлаш бўйича янги тавсия ва йўриқномаларга амал қилишни бошлаган. Аммо электромобиллар ташувида хавф омиллари ҳали ҳам жиддий муаммо бўлиб қолмоқда.