CNN ва Maxar Technologies тарқатган сунъий йўлдош суратларига кўра, 5000 тонналик «Чой Ҳёнг» туркумига мансуб ушбу ҳарбий кема ҳозирда кемасозлик устахонасида таъмирланмоқда. Таҳлилчилар бу ҳолатни Россиянинг таъмирлашда иштирок этиши эҳтимоли билан боғлашмоқда.
Вест-Пойнт ҳарбий академияси ҳузуридаги институт ҳисоботига кўра, Расон иқтисодий зонасида жойлашган Ражин порти Шимолий Корея ва Россия ўртасидаги стратегик ҳамкорлик нуқталаридан бири ҳисобланади. У бугунгача бир неча марта Россияга қурол етказиб беришдаги гумонлар билан боғлиқ терговларда ҳам тилга олинган. Россиянинг сўнгги бор портга ташрифи 1 июн куни қайд этилган.
Ражин порти техник жиҳатдан йирик таъмирлаш базаси эмас ва ҳозирда бу вазифани бажариш учун етарли инфратузилмага эга эмас. Бу ҳақда Жанубий Кореянинг Мудофаа тадқиқотлари институти вакили Ю Жи-ҳун маълум қилди. Унинг фикрича, Россия томони таъмирлашда қатнашиши эҳтимолдан ҳоли эмас.
Жанубий Кореялик истеъфодаги адмирал Ким Дик-кининг қайд этишича, мина ташувчи кема сувга туширилаётганда бурун қисми қуруқликда, танаси эса сувда қолиб кетган. Бу ҳолат сонар ва эхолот ускуналарига зарар етказган бўлиши мумкин. Кимнинг таъкидлашича, Шимолий Корея бундай тизимларни ишлаб чиқариш технологиясига эга эмас ва улар эҳтимолан Хитой ёки Россиядан импорт қилинган.
Жанубий Корея парламенти депутати Ю Ён-воннинг маълум қилишича, Жанубий Корея ҳарбийлари эскадрон мина ташувчи кемада жиддий техник шикастлар эмас, балки корпусга сув кирганини аниқлаган.
Ким Жонг Ин ушбу эсминец таъмирини Меҳнат партияси июн охиридаги пленумигача якунлашни шахсан буюрган ва бу ишни «миллий шаън масаласи» деб атаган. КХДР давлат телеканалларига кўра, таъмирлаш ишлари 7–10 кун давом этиши ва Ким белгиланган муддатгача тугатилиши керак.