Flightradar24 маълумотларига кўра, Исроил, Эрон ва Ироқ ҳаво ҳудудлари устидан парвозлар тўхтатилган. Тел-Авивдаги Бен Гурион аэропорти вақтинча ёпилди. Эрон ҳам ўз ҳаво ҳудудини номаълум муддатга ёпганини расмий равишда маълум қилди. Шу билан бирга, Ироқ эрталаб ўз ҳаво маконини ёпиб, барча аэропортларда ҳаракатни тўхтатди.
Эрон ва Ироқ ҳудудлари орқали ўтадиган йўналишлар жаҳондаги энг зич парвоз йўлларидан бири ҳисобланади. Бу ҳаво йўналишлари Осиёдан Европага учувчи кўплаб рейслар учун муҳим аҳамиятга эга. Aвиақатновлар Саудия Арабистони ва Марказий Осиё орқали йўналтирила бошланди.
Emirates, Lufthansa ва Air India авиакомпаниялари муаммоли ҳудудлар устида учаётган бир пайтда, расмий изоҳ бермаган. Emiratesнинг Манчестер–Дубай рейси Истанбулга йўналтирилган, flydubai’нинг Белграддан учган рейси эса Ереванга қўнган.
Flydubai авиакомпанияси Амман, Бейрут, Дамашқ, Эрон ва Исроилга рейсларни тўхтатганини маълум қилди. Бошқа бир қатор рейслар бекор қилинди, қайта йўналтирилди ёки учиш нуқтасига қайтарилди.